ਅਮਰਜੀਤ ਕੌਰ ਮਲਟੀਪਰਪਜ ਹੈਲਥ ਵਰਕਰ ਫੀਮੇਲ ਨੂੰ ਦਿੱਤੀ ਵਿਦਾਇਗੀ ਕਮ ਰੋਹ ਪਾਰਟੀ* _*ਸੀ ਐਚ ਸੀ ਦੋਦਾ ਦੇ ਮੁਲਾਜ਼ਮਾਂ ਵੱਲੋਂ 1 ਲੱਖ 15 ਹਜ਼ਾਰ ਦਾ ਚੈੱਕ ਦਿੱਤਾ ਗਿਆ*_

ਐਸ ਏ ਐਸ ਨਗਰ,02 ਸਤੰਬਰ (monty singh             ) ਅਮਰਜੀਤ ਕੌਰ ਐਮ ਪੀ ਐਚ ਡਬਲਿਊ (ਫੀਮੇਲ) ਸਬ ਸੈਂਟਰ ਦੋਦਾ ਤੋਂ ਸੇਵਾਮੁਕਤ ਹੋਣ ਤੇ ਵਿਦਾਇਗੀ ਕਮ ਰੋਹ ਪਾਰਟੀ ਸੀ ਐਚ ਸੀ ਦੋਦਾ ਵਿਖੇ ਕੀਤੀ ਗਈ। ਇਸ ਸਮੇਂ ਸੁਖਵਿੰਦਰ ਸਿੰਘ ਦੋਦਾ ਜ਼ਿਲ੍ਹਾ ਪ੍ਰਧਾਨ ਨੇ ਦੱਸਿਆ ਕਿ ਇਹ ਰਿਟਾਇਰਮੈਂਟ ਪਾਰਟੀ ਤੋਂ ਰੋਹ ਪਾਰਟੀ ਏਸ ਕਰਕੇ ਬਣੀ ਕਿ ਕੋਈ ਆਪਣੀ ਜ਼ਿੰਦਗੀ ਦਾ ਉਹ ਸਮਾਂ ਜਦੋਂ ਤੁਸੀਂ ਤੰਦਰੁਸਤ ਤੇ ਜਵਾਨ ਹੁੰਦੇ ਹੋ,ਕੰਮ ਕਰਨ ਦੀ ਅਥਾਹ ਸ਼ਕਤੀ ਨਾਲ ਭਰੇ ਹੋਏ ਹੁੰਦੇ ਹੋ ਉਹ ਹਿੱਸਾ ਤੁਸੀਂ ਕਿਸੇ (ਮਹਿਕਮੇ)ਦੇ ਲੇਖੇ ਲਾ ਦਿੰਦੇ ਹੋ ਤੇ ਅਗਲਾ ਤੁਹਾਨੂੰ ਘਰੇ ਜਾਣ ਲੱਗਿਆਂ ਖਾਲੀ ਹੱਥ ਤੋਰ ਦੇਵੇ, ਉਹ ਵੀ ਉਸ ਵਕਤ ਜਦ ਤੁਹਾਡਾ ਸਰੀਰ ਵੀ ਪਹਿਲਾਂ ਵਾਂਗ ਕੰਮ ਕਰਨ ਦੇ ਸਮਰੱਥ ਨਾ ਰਿਹਾ ਹੋਵੇ ਤਾਂ ਜੋ ਇਨਸਾਨ ਤੇ ਬੀਤਦੀ ਹੈ। ਅਜਿਹੇ ਮਾਹੌਲ ਵਿੱਚ ਵਦਾਇਗੀ ਪਾਰਟੀ ਰੋਹ ਬਣ ਜਾਂਦੀ ਹੈ। ਜਿਵੇਂ ਸਰਕਾਰ ਸਾਨੂੰ ਖਾਲੀ ਹੱਥ ਤੋਰਨ ਲੱਗੀ ਹੈ। ਇਸ ਤਰ੍ਹਾਂ ਤਾਂ ਕਦੇ ਵਿਆਹ ਵਾਲੇ ਘਰੋਂ ਪਰੀਹਾ ਵੀ ਨੀ ਗਿਆ। ਪਰ ਸਾਥੀਓ ਜਦੋਂ ਤੁਹਾਡੇ ਵਰਗੇ ਸੂਝਵਾਨ ਮੁਲਾਜ਼ਮ ਭਰਾ ਨਾਲ ਖੜ੍ਹੇ ਹੋਣ ਤਾਂ ਆਪਾਂ ਸਾਰਿਆ ਨੇ ਆਪਣੇ ਸਾਥੀ ਨੂੰ ਭਰੇ ਭੁਕੰਨੇ ਤੋਰਨ ਦੀ ਕੋਸ਼ਿਸ਼ ਵਿੱਚ ਸਮੂਹ ਸਟਾਫ ਦੋਦਾ ਅਤੇ ਫੀਲਡ ਸਟਾਫ ਦੋਦਾ ਵਲੋ 115000 ਰੁਪਏ ਦੀ ਰਾਸ਼ੀ ਦਿੱਤੀ ਗਈ। ਇਸ ਮੋਕੇ ਗਗਨਦੀਪ ਸਿੰਘ ਸੂਬਾ ਪ੍ਰਧਾਨ ਪ ਸ ਸ ਫ ਵਿਗਿਆਨਕ, ਗੁਲਜ਼ਾਰ ਖਾਂ ਮੁੱਖ ਸਲਾਹਕਾਰ ਮਲਟੀਪਰਪਜ ਹੈਲਥ ਇੰਪਲਾਈਜ਼ ਯੂਨੀਅਨ ਪੰਜਾਬ ਨੇ ਆਖਿਆ ਕਿ ਪੰਜਾਬ ਸਰਕਾਰ ਇਸ ਤਰਾਂ ਸਿਹਤ ਮੁਲਾਜ਼ਮਾਂ ਨੂੰ ਖਾਲੀ ਹੱਥ ਤੋਰਨ ਦਾ ਰਿਵਾਜ਼ ਬਹੁਤ ਹੀ ਮੰਦਭਾਗਾ ਹੈ।ਇਸ ਤੋਂ ਵੀ ਵੱਡੀ ਮਾੜੀ ਗੱਲ ਇਹ ਹੈ ਕਿ ਮੁਲਾਜ਼ਮਾਂ ਦੀ ਅਵਾਜ਼ ਨੂੰ ਦੱਬਣ ਲਈ ਐਸਮਾਂ ਵਰਗੇ ਕਾਨੂੰਨ ਲਾਗੂ ਕੀਤੇ ਜਾ ਰਹੇ ਹਨ।ਪਰ ਮੁਲਾਜ਼ਮ ਆਪਣੀਆਂ ਹੱਕੀ ਮੰਗਾਂ ਨੂੰ ਹੱਲ ਕਰਵਾਉਣ ਲਈ ਸੰਘਰਸ਼ਾਂ ਦੇ ਪਿੜ ਨੂੰ ਮੱਘਦਾ ਰੱਖਣਗੇ ਅਤੇ ਐਸਮਾ ਵਰਗੇ ਕਾਨੂੰਨਾਂ ਦੀ ਪ੍ਰਵਾਹ ਨਹੀਂ ਕਰਨਗੇ। ਅੰਤ ਵਿੱਚ ਆਗੂਆਂ ਵੱਲੋਂ ਭੈਣ ਅਮਰਜੀਤ ਕੌਰ ਨੂੰ ਜਾਂਦੇ ਸਮੇਂ ਖਾਲੀ ਹੱਥ ਨਾ ਤੋਰਨ ਅਤੇ ਮੁਲਾਜ਼ਮਾਂ ਵੱਲੋਂ ਆਪਣੇ ਵੱਲੋਂ ਦਿੱਤੀ ਵਿੱਤੀ ਸਹਾਇਤਾ ਦੇ ਵਿਲੱਖਣ ਕਾਰਜ ਦੀ ਸਲੁਹਤਾ ਕੀਤੀ।ਅੱਜ ਦੇ ਇਸ ਪ੍ਰੋਗਰਾਮ ਦਾ ਸਟੇਜ ਸਕੱਤਰ ਦੀ ਭੂਮਿਕਾ ਸਾਥੀ ਜਗਮੀਤ ਸਿੰਘ ਵੱਲੋਂ ਨਿਭਾਈ।ਇਸ ਮੌਕੇ

ਰਾਮਪਾਲ ਸਿੰਘ ਚੇਅਰਮੈਨ ਸਾਂਝੀ ਏਕਤਾ ਐਸੋਸੀਏਸ਼ਨ ਪੰਜਾਬ, ਸੁਖਵਿੰਦਰ ਸਿੰਘ ਦੋਦਾ ਸੀਨੀਅਰ ਮੀਤ ਪ੍ਰਧਾਨ ਮਲਟੀਪਰਪਜ਼ ਹੈਲਥ ਇੰਪਲਾਈਜ਼ ਯੂਨੀਅਨ ਪੰਜਾਬ, ਚਮਕੌਰ ਸਿੰਘ ਜ਼ਿਲ੍ਹਾ ਪ੍ਰਧਾਨ ਲੈਬੋਟਰੀ ਟੈਕਨੀਸ਼ੀਅਨ ਯੂਨੀਅਨ,ਸਾਥੀ ਰਜਿੰਦਰ ਸਿੰਘ ਬੱਲੂਆਣਾ ਜਰਨਲ ਸਕੱਤਰ ਮਲਟੀਪਰਪਜ਼ ਹੈਲਥ ਇੰਪਲਾਈਜ਼ ਯੂਨੀਅਨ ਸ਼੍ਰੀ ਮੁਕਤਸਰ ਸਾਹਿਬ,ਗੁਰਮੇਲ ਸਿੰਘ ਚੇਅਰਮੈਨ ਤਾਲਮੇਲ ਕਮੇਟੀ ਪੈਰਾਮੈਡੀਕਲ ਤੇ ਸਿਹਤ ਕਰਮਚਾਰੀ ਜ਼ਿਲ੍ਹਾ ਮੁਕਤਸਰ ਸਾਹਿਬ, ਚਰਨਜੀਤ ਕੌਰ ਹੈਲਥ ਸੁਪਰਵਾਈਜ਼ਰ, ਕੁਲਬੀਰ ਰਜਨੀ ਮਲਟੀਪਰਪਜ ਹੈਲਥ ਇੰਪਲਾਈਜ਼ ਯੂਨੀਅਨ ਦੀ ਆਗੂ, ਅਮਨਦੀਪ ਕੌਰ ਸੀ ਐਚ ਓ ਆਦਿ ਆਗੂਆਂ ਨੇ ਸੰਬੋਧਨ ਕੀਤਾ।

ਐਨ ਡੀ ਤਿਵਾੜੀ

7973689591