_*25 ਸਾਲ ਦੀ ਸੇਵਾ ਤੋਂ ਬਾਅਦ ਸੇਵਾਮੁਕਤ ਹੋਏ ਕਿਰਨ ਬਾਲਾ*_

ਜਲੰਧਰ 31 ਮਈ ( ਚਰਨਜੀਤ ਸਿੰਘ ) ਸਰਕਾਰੀ ਹਾਈ ਸਕੂਲ ਸ਼ੇਖੇ ਪਿੰਡ ਵਿੱਚ 25 ਸਾਲ 8 ਮਹੀਨੇ ਸੇਵਾ ਨਿਭਾਉਣ ਤੋਂ ਬਾਅਦ ਪੰਜਾਬੀ ਮਿਸਟ੍ਰੈਸ ਕਿਰਨ ਬਾਲਾ ਸੇਵਾਮੁਕਤ ਹੋਏ। ਵਿਦਿਆਰਥੀਆਂ ਅਤੇ ਸਮੂਹ ਅਧਿਆਪਕਾਂ ਵਿੱਚ ਹਰਮਨ ਪਿਆਰੇ ਰਹੇ ਕਿਰਨ ਬਾਲਾ ਵਲੋਂ ਸੇਵਾਮੁਕਤੀ ਮੌਕੇ ਸਮੂਹ ਸਟਾਫ ਨੂੰ ਵਿਦਾਇਗੀ ਪਾਰਟੀ ਲਈ ਧੰਨਵਾਦ ਕੀਤਾ। ਪ੍ਰਿੰਸੀਪਲ ਸ਼ਸ਼ੀ ਕੁਮਾਰ, ਲੈਕਚਰਾਰ ਰਵੀ ਸ਼ਰਮਾ, ੳਮੇਸ਼ਵਰ ਨਰਾਇਣ , ਲਖਵਿੰਦਰ ਪਾਲ, ਹਰਜੀਤ ਸਿੰਘ ਅਤੇ ਅਮਰੀਕ ਕੌਰ ਵਲੋਂ ਆਪਣੇ ਭਾਸ਼ਣ ਵਿੱਚ ਕਿਰਨ ਬਾਲਾ ਦੇ ਨਿਜੀ ਅਤੇ ਪੇਸ਼ੇਵਰ ਜੀਵਨ ਬਾਰੇ ਚਾਨਣਾ ਪਾਇਆ। ਇਸ ਦੌਰਾਨ ਸਕੂਲ ਦੇ ਵਿਦਿਆਰਥੀਆਂ ਵਲੋਂ ਰੰਗਾਰੰਗ ਪ੍ਰੋਗਰਾਮ ਤਹਿਤ ਸਭਿਆਚਾਰਕ ਗੀਤ, ਡਾਂਸ, ਕਵਿਤਾ ਅਤੇ ਭਾਸ਼ਣ ਦੀ ਪੇਸ਼ਕਾਰੀ ਵੀ ਕੀਤੀ ਗਈ। ਮੰਚ ਸੰਚਾਲਨ ਵਿਨੋਦ ਸ਼ਰਮਾ ਵਲੋਂ ਕੀਤਾ ਗਿਆ। ਇਸ ਦੌਰਾਨ ਸਕੂਲ ਦੇ ਮੌਜੂਦਾ ਅਤੇ ਪੁਰਾਣੇ ਸਟਾਫ ਮੈਂਬਰਜ ਸਹਿਬਾਨ ਵੀ ਹਾਜਰ ਸਨ।