ਵੈਭਵ ਸੁੂਰਿਆਵੰਸ਼ੀ ਆਈਪੀਐੱਲ ’ਚ ਸੈਂਕੜਾ ਜੜਨ ਵਾਲਾ ਸਭ ਤੋਂ ਘੱਟ ਉਮਰ ਦਾ ਬੱਲੇਬਾਜ਼ ਬਣਿਆ
ਜੈਪੁਰ-ਰਾਜਸਥਾਨ ਰੌਇਲਜ਼ ਦਾ ਨਵਾਂ ਬੱਲੇਬਾਜ਼ ਵੈਭਵ ਸੂਰਿਆਵੰਸ਼ੀ ਆਈਪੀਐਲ ਵਿੱਚ ਸੈਂਕੜਾ ਲਾਉਣ ਵਾਲਾ ਸਭ ਤੋਂ ਘੱਟ ਉਮਰ ਦਾ ਬੱਲੇਬਾਜ਼ ਬਣ ਗਿਆ ਹੈ। ਗੁਜਰਾਤ ਟਾਈਟਨਜ਼ ਖ਼ਿਲਾਫ਼ ਮੈਚ ਦੌਰਾਨ ਉਸ ਨੇ ਇਹ ਮਾਅਰਕਾ 14 ਸਾਲ ਅਤੇ 32 ਦਿਨ ਦੀ ਉਮਰ ਵਿੱਚ ਮਾਰਿਆ।
ਮੈਚ ਦੌਰਾਨ ਵੈਭਵ ਨੇ ਸਿਰਫ਼ 37 ਗੇਂਦਾਂ ’ਤੇ 101 ਦੌੜਾਂ ਦੀ ਪਾਰੀ ਖੇਡੀ ਤੇ ਨਾਲ ਹੀ ਆਈਪੀਐੱਲ ਇਤਿਹਾਸ ’ਚ ਦੂਜਾ ਸਭ ਤੋਂ ਤੇਜ਼ ਸੈਂਕੜਾ ਬਣਾਉਣ ਦਾ ਰਿਕਾਰਡ ਆਪਣੇ ਨਾਮ ਕੀਤਾ। ਵੈਭਵ ਨੇ ਆਪਣੀ ਸੈਂਕੜੇ ਵਾਲੀ ਪਾਰੀ ਦੌਰਾਨ 11 ਛੱਕੇ ਤੇ 7 ਚੌਕੇ ਮਾਰੇ।
ਆਈਪੀਐੱਲ ’ਚ ਸਭ ਤੋਂ ਤੇਜ਼ ਸੈਂਕੜੇ ਦਾ ਰਿਕਾਰਡ ਵੈਸਟ ਇੰਡੀਜ਼ ਦੇ ਬੱਲੇਬਾਜ਼ ਕ੍ਰਿਸ ਗੇਲ ਦੇ ਨਾਮ ਦਰਜ ਹੈ ਜੋ ਉਸ ਨੇ 2013 ’ਚ ਰੌਇਲ ਚੈਂਲੈਂਜਰਜ਼ ਬੰਗਲੂਰੂ ਵੱਲੋਂ ਖੇਡਦਿਆਂ ਪੁਣੇ ਵਾਰੀਅਰਜ਼ ਵਿਰੁੱਧ 30 ਗੇਂਦਾਂ ’ਤੇ ਬਣਾਇਆ ਸੀ।
