ਉੱਤਰੀ ਸਿੱਕਮ ’ਚ ਜ਼ਮੀਨ ਖਿਸਕਣ ਕਾਰਨ ਫਸੇ 28 ਵਿਅਕਤੀ ਤੇ 20 ਸੈਨਿਕਾਂ ਨੂੰ ਬਚਾਇਆ

ਅਧਿਕਾਰੀਆਂ ਨੇ ਦੱਸਿਆ ਕਿ ਇੱਕ ਹੈਲੀਕਾਪਟਰ ਰਾਹੀਂ  ਪਹਿਲੀ ਵਾਰ   28 ਨਾਗਰਿਕਾਂ ਨੂੰ ਛਾਤੇਨ ਤੋਂ ਸੁਰੱਖਿਅਤ ਬਾਹਰ ਕੱਢਿਆ ਗਿਆ, ਜਿਨ੍ਹਾਂ ਵਿੱਚ ਨਾਬਾਲਗ, ਟੈਕਸੀ ਡਰਾਈਵਰ ਅਤੇ ਸਰਕਾਰੀ ਅਧਿਕਾਰੀ ਸ਼ਾਮਲ ਸਨ। ਦੂਜੀ ਵਾਰ 20 ਜਵਾਨਾਂ ਨੂੰ ਹਵਾਈ ਜਹਾਜ਼ ਰਾਹੀਂ ਪਾਕਯੋਂਗ ਗ੍ਰੀਨਫੀਲਡ ਹਵਾਈ ਅੱਡੇ ’ਤੇ ਪਹੁੰਚਾਇਆ ਗਿਆ। ਉਨ੍ਹਾਂ ਦੱਸਿਆ ਕਿ ਐੱਮਆਈ‘17 ਹੈਲੀਕਾਪਟਰ ਨੇ ਛਾਤੇਨ ’ਚ ਤਾਇਨਾਤ ਫੌਜ ਦੇ ਜਵਾਨਾਂ ਲਈ ਲੋੜੀਂਦਾ ਸਮਾਨ ਵੀ ਪਹੁੰਚਾਇਆ।  ਅਧਿਕਾਰੀਆਂ ਮੁਤਾਬਕ ਇਹ  ਰਾਹਤ ਤੇ ਬਚਾਅ ਕਾਰਜ ਸੂਬਾ ਸਰਕਾਰ ਵੱਲੋਂ ਚਲਾਏ ਜਾ ਰਹੇ ਹਨ।