ਕੈਨੇਡਾ ਸਰਕਾਰ ਨੇ ਓਪਨ ਵਰਕ ਪਰਮਿਟ ਬਾਰੇ ਲਿਆ ਵੱਡਾ ਫ਼ੈਸਲਾ , ਇਨ੍ਹਾਂ ਵੀਜ਼ਾ ਧਾਰਕਾਂ ਨੂੰ ਮਿਲੇਗਾ ਫ਼ਾਇਦਾ।

Canada H – 1B Visa : ਕੈਨੇਡਾ ਨੇ ਅਮਰੀਕੀ H – 1B ਵੀਜ਼ਾ ਧਾਰਕਾਂ ਲਈ ਵੱਡਾ ਕਦਮ ਚੁੱਕਿਆ ਹੈ । ਹੁਣ 10,000 ਅਮਰੀਕੀ H – 1B ਵੀਜ਼ਾ ਧਾਰਕਾਂ ਕੈਨੇਡਾ ‘ ਚ ਆ ਕੇ ਕੰਮ ਕਰਨ ਦੀ ਇਜਾਜ਼ਤ ਦੇਣ ਲਈ ਇਕ ਓਪਨ ਵਰਕ ਪਰਮਿਟ ਸਟ੍ਰੀਮ ਤਿਆਰ ਕੀਤਾ ਜਾਵੇਗਾ । ਕੈਨੇਡਾ ਦੇ ਇਮੀਗ੍ਰੇਸ਼ਨ ਮੰਤਰੀ ਸੀਨ ਫਰੇਜ਼ਰ ਨੇ 27 ਜੂਨ ਨੂੰ ਇਸ ਦਾ ਐਲਾਨ ਕੀਤਾ । ਇਕ ਅਧਿਕਾਰਤ ਰਿਲੀਜ਼ ਅਨੁਸਾਰ , ਕੈਨੇਡੀਅਨ ਇਮੀਗ੍ਰੇਸ਼ਨ , ਸ਼ਰਨਾਰਥੀ ਤੇ ਨਾਗਰਿਕਤਾ ਮੰਤਰਾਲੇ ਨੇ ਕਿਹਾ ਕਿ ਇਸ ਪ੍ਰੋਗਰਾਮ ਤਹਿਤ H – 1B ਵੀਜ਼ਾ ਧਾਰਕਾਂ ਦੇ ਪਰਿਵਾਰਕ ਮੈਂਬਰਾਂ ਵਰਕ ਪਰਮਿਟ ਵੀ ਪ੍ਰਦਾਨ ਕੀਤੇ ਜਾਣਗੇ ।ਮੰਤਰਾਲੇ ਨੇ ਕਿਹਾ , ‘ ਉੱਚ – ਤਕਨੀਕੀ ਖੇਤਰਾਂ ‘ ਚ ਹਜ਼ਾਰਾਂ ਮੁਲਾਜ਼ਮ ਉਨ੍ਹਾਂ ਕੰਪਨੀਆਂ ‘ ਚ ਤਾਇਨਾਤ ਹਨ ਜਿਨ੍ਹਾਂ ਦਾ ਕੈਨੇਡਾ ਤੇ ਅਮਰੀਕਾ ਦੋਵਾਂ ‘ ਚ ਵੰਡੇ ਕੰਮਕਾਜ ਹਨ । ਅਮਰੀਕਾ ਵਿੱਚ ਕੰਮ ਕਰਨ ਵਾਲੇ ਲੋਕ ਅਕਸਰ H – 1B ਸਪੈਸ਼ਲਿਟੀ ਆਕੂਪੇਸ਼ਨ ਵੀਜ਼ਾ ਰੱਖਦੇ ਹਨ । 16 ਜੁਲਾਈ , 2023 ਤਕ ਅਮਰੀਕਾ ਵਿਚ H – 1B Speciality Occupation Visa ਧਾਰਕ ਅਤੇ ਉਨ੍ਹਾਂ ਨਾਲ ਆਉਣ ਵਾਲੇ ਤਤਕਾਲ ਪਰਿਵਾਰ ਦੇ ਮੈਂਬਰ , ਕੈਨੇਡਾ ਆਉਣ ਲਈ ਅਰਜ਼ੀ ਦੇਣ ਦੇ ਯੋਗ ਹੋਣਗੇ । ’ ਤਿੰਨ ਸਾਲ ਤਕ ਦੀ ਮਿਆਦ ਦਾ ਮਿਲੇਗਾ ਵਰਕ ਪਰਮਿਟ ਕੈਨੇਡਾ ਸਰਕਾਰ ਵੱਲੋਂ ਜਾਰੀ ਕੀਤੇ ਗਏ ਨਵੇਂ ਫੈਸਲੇ ਤਹਿਤ ਪ੍ਰਵਾਨਿਤ ਬਿਨੈਕਾਰਾਂ ਨੂੰ ਤਿੰਨ ਸਾਲ ਤਕ ਦੀ ਮਿਆਦ ਲਈ ਓਪਨ ਵਰਕ ਪਰਮਿਟ ਦਿੱਤੇ ਜਾਣਗੇ । ਮੰਤਰਾਲੇ ਦੀ ਰਿਲੀਜ਼ ਵਿੱਚ ਕਿਹਾ ਗਿਆ ਹੈ , ‘ ਯੂਐਸ ਵੀਜ਼ਾ ਧਾਰਕ ਕੈਨੇਡਾ ‘ ਚ ਕਿਤੇ ਵੀ ਲਗਪਗ ਕਿਸੇ ਵੀ ਰੁਜ਼ਗਾਰਦਾਤਾ ਲਈ ਕੰਮ ਕਰਨ ਦੇ ਯੋਗ ਹੋਣਗੇ । ” ਪਰਿਵਾਰਕ ਮੈਂਬਰ ਜਿਵੇਂ ਕਿ ਪਤੀ / ਪਤਨੀ ਤੇ ਨਿਰਭਰ ਵਿਅਕਤੀ ਲੋੜ ਅਨੁਸਾਰ ਕੰਮ ਜਾਂ ਅਧਿਐਨ ਪਰਮਿਟ ਦੇ ਨਾਲ ਅਸਥਾਈ ਨਿਵਾਸੀ ਵੀਜ਼ਾ ਲਈ ਅਪਲਾਈ ਕਰਨ ਦੇ ਯੋਗ ਹੋਣਗੇ ।ਹੁਨਰਮੰਦ ਲੋਕਾਂ ਲਈ ਵਿਕਤਸ ਕਰੇਗੀ ਇਮੀਗ੍ਰੇਸ਼ਨ ਸਟ੍ਰੀਮ ਕੈਨੇਡਾ ਆਧਾਰਿਤ ਸੀਬੀਸੀ ਨਿਊਜ਼ ਅਨੁਸਾਰ , ਫਰੇਜ਼ਰ ਨੇ ਕਿਹਾ ਕਿ ਇਸ ਸਾਲ ਦੇ ਅਖੀਰ ਤਕ ਫੈਡਰਲ ਸਰਕਾਰ ਦੁਨੀਆ ਦੇ ਕੁਝ ਸਭ ਤੋਂ ਪ੍ਰਤਿਭਾਸ਼ਾਲੀ ਲੋਕਾਂ ਲਈ ਇਮੀਗ੍ਰੇਸ਼ਨ ਸਟ੍ਰੀਮ ਵਿਕਸਿਤ ਕਰੇਗੀ ਜੋ ਤਕਨੀਕੀ ਕੰਪਨੀਆਂ ਲਈ ਕੰਮ ਕਰਨ ਲਈ ਕੈਨੇਡਾ ਆਉਣਾ ਚਾਹੁੰਦੇ ਹਨ । ਹਾਲਾਂਕਿ ਇਮੀਗ੍ਰੇਸ਼ਨ ਮੰਤਰੀ ਨੇ ਅਜੇ ਤਕ ਇਹ ਸਪੱਸ਼ਟ ਨਹੀਂ ਕੀਤਾ ਹੈ ਕਿ ਇਸ ਇਮੀਗ੍ਰੇਸ਼ਨ ਸਟ੍ਰੀਮ ਲਈ ਕੌਣ ਯੋਗ ਹੋਵੇਗਾ ਤੇ ਕਿੰਨੇ ਲੋਕਾਂ ਨੂੰ ਸਟ੍ਰੀਮ ‘ ਚ ਐਂਟਰੀ ਦਿੱਤੀ ਜਾਵੇਗੀ । ਕੀ ਹੈ H – 1B ਵੀਜ਼ਾ ? H – 1B ਵੀਜ਼ਾ ਵਿਦੇਸ਼ੀ ਨਾਗਰਿਕਾਂ ਨੂੰ ਟੈਕਨਾਲੋਜੀ ਸੈਕਟਰ ਸਮੇਤ ਕੁਝ ਕਿੱਤਿਆਂ ‘ ਚ ਅਸਥਾਈ ਤੌਰ ‘ ਤੇ ਅਮਰੀਕਾ ‘ ਚ ਕੰਮ ਕਰਨ ਦੀ ਇਜਾਜ਼ਤ ਦਿੰਦਾ ਹੈ । ਕੋਰੋਨਾ ਮਹਾਮਾਰੀ ਦੌਰਾਨ ਤਕਨੀਕੀ ਕੰਪਨੀਆਂ ਵੱਲੋਂ ਕਈ ਭਰਤੀਆਂ ਕੀਤੀਆਂ ਗਈਆਂ ਸਨ ਪਰ ਉਸ ਤੋਂ ਬਾਅਦ ਵੱਡੀ ਗਿਣਤੀ ਵਿੱਚ ਲੋਕਾਂ ਨੂੰ ਨੌਕਰੀ ਤੋਂ ਵੀ ਕੱਢ ਦਿੱਤਾ ਗਿਆ ਸੀ ।