ਪੇਪਰਾਂ ਦੇ ਮੌਕੇ ਪੀ.ਐਫ.ਐਮ.ਐਸ ਰਾਹੀ ਗਰਾਂਟਾ ਖ਼ਰਚਣ ਦੇ ਕਾਰਜ ਵਿੱਚ ਉਲਝਿਆ ਅਧਿਆਪਕ ਵਰਗ,ਜੀਟੀਯੂ (ਵਿਗਿਆਨਿਕ ) ਵੱਲੋਂ ਗ਼ੈਰ ਵਿੱਦਿਅਕ ਕਾਰਜਾਂ ਦਾ ਵਿਰੋਧ।

ਐਸ਼ ਏ ਐਸ਼ ਨਗਰ,29 ਮਾਰਚ( )ਗੌਰਮਿੰਟ ਟੀਚਰਜ਼ ਯੂਨੀਅਨ ਪੰਜਾਬ (ਵਿਗਿਆਨਿਕ ) ਦੇ ਸੂਬਾ ਪ੍ਰਧਾਨ ਹਰਜੀਤ ਬਸੋਤਾ,ਸੁਰਿੰਦਰ ਕੰਬੋਜ,ਨਵਪ੍ਰੀਤ ਬੱਲੀ,ਕੰਵਲਜੀਤ ਸੰਗੋਵਾਲ,ਪ੍ਰਗਟ ਸਿੰਘ ਜੰਬਰ,ਸੋਮ ਸਿੰਘ ਨੇ ਕਿਹਾ ਕਿ ਸਿੱਖਿਆ ਵਿਭਾਗ ਨੇ ਪੇਪਰਾਂ ਦੇ ਸਮੇਂ ਵਿੱਚ ਅਧਿਆਪਕਾਂ ਨੂੰ ਗਰਾਂਟਾ ਖਰਚ ਕਰਨ ਦੇ ਚੱਕਰ ਵਿੱਚ ਪੀ.ਐਫ.ਐਮ.ਐਸ (public financial management system )ਦੇ ਚੱਕਰਾ ਵਿੱਚ ਹੀ ਫਸਾ ਦਿੱਤਾ ਹੈ।28 ਮਾਰਚ ਨੂੰ ਸ਼ਾਮ ਦੇ ਸਮੇਂ ਗਰਾਂਟਾ ਪਾ ਕੇ 31 ਮਾਰਚ ਤੱਕ ਖਰਚ ਕਰਨ ਦੇ ਫ਼ਰਮਾਨ ਜਾਰੀ ਕਰ ਦਿੱਤੇ ਹਨ।ਬਹੁਤੇ ਸਕੂਲਾਂ ਵਿੱਚ ਸਲਾਨਾ ਪੇਪਰਾਂ ਕਾਰਣ ਕਾਫ਼ੀ ਸਟਾਫ ਦੂਜੇ ਸਕੂਲਾਂ ਵਿੱਚ ਪੇਪਰ ਡਿਊਟੀ ਤੇ ਹੈ।ਗਰਾਂਟਾ ਖਰਚ ਕਰਨ ਲਈ ਸਿੱਖਿਆ ਵਿਭਾਗ ਵੱਲੋਂ ਸਕੂਲਾਂ ਦੇ ਨਵੇ ਖਾਤੇ ਖੋਲੇ ਗਏ ਹਨ ਜਿੰਨਾ ਰਾਹੀ ਇਹ ਗਰਾਂਟਾ ਪੀਐਫਐਮਐਸ ਰਾਹੀ ਖਰਚ ਕਰਨੀਆਂ ਹਨ ਜਿਸ ਕਾਰਣ ਬਹੁਤੇ ਸਕੂਲਾਂ ਦੇ ਅਧਿਆਪਕ ਸਾਈਬਰ ਕੈਫੇ ਤੇ ਬੈਠ ਕੇ ਇਹ ਗਰਾਂਟਾ ਦੇ ਵੈਨਡਰ ਬਣਾਉਣਾ ਹੀ ਸਿੱਖ ਰਹੇ ਹਨ।ਸਿੱਖਿਆ ਵਿਭਾਗ ਨੂੰ ਚਾਹੀਦਾ ਸੀ ਕਿ ਇਹਨਾਂ ਗਰਾਂਟਾ ਦੇ ਸੰਬੰਧ ਵਿੱਚ ਸਹੀ ਤਰਤੀਬ ਨਾਲ ਖਰਚ ਕਰਨ ਲਈ ਕੋਈ ਡਾਟਾ ਅਪਰੇਟਰ ਸੈਂਟਰ ਸਕੂਲਾਂ ਵਿੱਚ ਨਿਯੁਕਤ ਕਰਦੀ ਪਰ ਬਿਨਾ ਕਿਸੇ ਡਾਟਾ ਅਪਰੇਟਰ ਦੇ ਅਧਿਆਪਕ ਲਗਾਤਾਰ ਇਹਨਾਂ ਗਰਾਂਟਾ ਨੂੰ ਖਰਚ ਕਰਨ ਲਈ ਮਾਨਸਿਕ ਪਰੇਸ਼ਾਨੀ ਵਿੱਚੋਂ ਗੁਜ਼ਰ ਰਹੇ ਹਨ।ਇਸ ਗ਼ੈਰ ਵਿੱਦਿਅਕ ਕਾਰਜ ਨਾਲ ਜਿੱਥੇ ਪੇਪਰਾਂ ਦੇ ਸਮੇਂ ਵਿੱਚ ਅਧਿਆਪਕ ਬਹੁਤ ਬੁਰੀ ਤਰਾਂ ਇਸ ਕਾਰਜ ਵਿੱਚ ਉਲ਼ਝਿਆ ਪਿਆ ਹੈ ,ਉੱਥੇ ਵਿਭਾਗ ਵੱਲੋਂ ਵੀ ਗਰਾਂਟਾ ਨਾਲ ਦੇ ਨਾਲ ਭੇਜ ਕੇ 31 ਮਾਰਚ ਤੱਕ ਖਰਚ ਕਰਨ ਦੀਆਂ ਹਦਾਇਤਾਂ ਜਾਰੀਆਂ ਕਰ ਦਿੱਤੀਆਂ ਹਨ।ਜੰਥੇਬੰਦੀ ਮੰਗ ਕਰਦੀ ਹੈ ਕਿ ਇਸ ਕਾਰਜ ਲਈ ਸੈਂਟਰ ਵਾਇਜ ਡਾਟਾ ਅਪਰੇਟਰ ਦੀ ਪੋਸਟ ਦਿੱਤੀ ਜਾਵੇ।ਹਰ ਸਕੂਲ ਨੂੰ ਪ੍ਰਿੰਟਰ,Wi-Fi ਕੰਨੈਕਸ਼ਨ ਤੇ ਹੋਰ ਖ਼ਰਚੇ ਲਈ ਅਮਲਗਾਮੈਟਿਡ ਗਰਾਂਟ ਜਾਰੀ ਕੀਤੀ ਜਾਵੇ ਤੇ ਇਨ੍ਹਾਂ ਗਰਾਂਟਾ ਨੂੰ ਸੁਚੱਜੇ ਢੰਗ ਨਾਲ ਖ਼ਰਚਣ ਲਈ ਲਗਭਗ ਦੋ ਮਹੀਨੇ ਦਾ ਸਮਾਂ ਦਿਤਾ ਜਾਵੇ ਤਾਂ ਜੋ ਇਹ ਗਰਾਂਟਾ ਸਹੀ ਤਰਤੀਬਵਾਰ ਤੇ ਸਰਕਾਰ ਦੀ ਹਦਾਇਤਾਂ ਅਨੁਸਾਰ ਖਰਚ ਹੋ ਸਕਣ।ਇਸ ਮੌਕੇ ਗੁਰਜੀਤ ਮੋਹਾਲੀ,ਧਰਮਿੰਦਰ ਠਾਕਰੇ ,ਅਵਨੀਸ ਕਲਿਆਣ,ਕਮਲ ਕੁਮਾਰ ,ਅਨੀਸ਼ ਕੁਮਾਰ,ਅਨਾਮਿਕਾ ਤੁੱਲੀ ,ਪਲਕ ਕਟਾਰਿਆ ਸਮੇਤ ਬਹੁਤ ਸਾਰੇ ਅਧਿਆਪਕ ਨੇ ਰੋਸ ਜਾਹਿਰ ਕੀਤਾ।

ਐਨ ਡੀ ਤਿਵਾੜੀ

ਸੰਪਰਕ ਨੰਬਰ 7973689591