ਛੱਤੀਸਗੜ੍ਹ IED ਧਮਾਕੇ ਕਾਰਨ ਇੱਕ ਗੰਭੀਰ ਜ਼ਖਮੀ
ਬੀਜਾਪੁਰ-ਛੱਤੀਸਗੜ੍ਹ ਦੇ ਬੀਜਾਪੁਰ ਜ਼ਿਲ੍ਹੇ ਵਿੱਚ ਨਕਸਲੀਆਂ ਵੱਲੋਂ ਲਗਾਇਆ ਗਿਆ ਪ੍ਰੈਸ਼ਰ ਇੰਪ੍ਰੋਵਾਈਜ਼ਡ ਐਕਸਪਲੋਸਿਵ ਡਿਵਾਈਸ (IED) ਫਟਣ ਨਾਲ ਇੱਕ 32 ਸਾਲਾ ਪਿੰਡ ਵਾਸੀ ਗੰਭੀਰ ਜ਼ਖਮੀ ਹੋ ਗਿਆ। ਪੁਲੀਸ ਨੇ ਬੁੱਧਵਾਰ ਨੂੰ ਦੱਸਿਆ ਇਹ ਘਟਨਾ ਮੰਗਲਵਾਰ ਸ਼ਾਮ ਨੂੰ ਵਾਪਰੀ ਜਦੋਂ ਪੀੜਤ ਵਿਸ਼ਾਲ ਗੋਟੇ ਹੇਮਲਾ ਮਸ਼ਰੂਮ ਜੰਗਲੀ ਉਪਜ ਇਕੱਠੀ ਕਰਨ ਲਈ ਜੰਗਲ ਵਿੱਚ ਗਿਆ ਸੀ। ਵਿਅਕਤੀ ਨੇ ਅਣਜਾਣੇ ਵਿੱਚ ਪ੍ਰੈਸ਼ਰ IED ‘ਤੇ ਪੈਰ ਰੱਖਿਆ, ਜੋ ਫਟ ਗਿਆ।
ਅਧਿਕਾਰੀ ਨੇ ਕਿਹਾ ਕਿ ਵਿਸ਼ਾਲ ਦੀਆਂ ਲੱਤਾਂ ਅਤੇ ਚਿਹਰੇ ’ਤੇ ਗੰਭੀਰ ਸੱਟਾਂ ਲੱਗੀਆਂ ਅਤੇ ਉਸਨੂੰ ਜਗਦਲਪੁਰ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਹੈ। ਮਾਓਵਾਦੀ ਅਕਸਰ ਸੁਰੱਖਿਆ ਕਰਮਚਾਰੀਆਂ ਨੂੰ ਨਿਸ਼ਾਨਾ ਬਣਾਉਣ ਲਈ ਮਿੱਟੀ ਦੀਆਂ ਪਟੜੀਆਂ ’ਤੇ IED ਲਗਾਉਂਦੇ ਹਨ।
