ਗੋਲਫ: ਵਾਣੀ ਨੇ ਮਹਿਲਾ ਪੀਜੀਟੀ ਦਾ ਚੌਥਾ ਗੇੜ ਜਿੱਤਿਆ

ਮੁੰਬਈ-ਇੱਥੇ ਮਹਿਲਾ ਪੇਸ਼ੇਵਰ ਗੋਲਫ ਟੂਰ ਵਿੱਚ ਵਾਣੀ ਕਪੂਰ ਨੇ ਅੰਤਿਮ ਪੜਾਅ ਵਿਚ ਇਕ ਅੰਡਰ 69 ਦੇ ਸਕੋਰ ਨਾਲ ਚੌਥੇ ਗੇੜ ਦਾ ਖਿਤਾਬ ਜਿੱਤ ਲਿਆ ਹੈ। ਵਾਣੀ ਦਾ ਕੁੱਲ ਸਕੋਰ ਇਕ ਓਵਰ 211 ਰਿਹਾ।

ਇਹ ਵਾਣੀ ਦੀ 2024 ਸੈਸ਼ਨ ਦੇ 12ਵੇਂ ਗੇੜ ਤੋਂ ਬਾਅਦ ਪਹਿਲੀ ਜਿੱਤ ਹੈ। ਵਾਣੀ ਨੇ 11ਵੇਂ ਤੇ 13ਵੇਂ ਹੋਲ ਵਿਚ ਬਰਡੀ ਕੀਤੀ ਤੇ ਇਸ ਵੇਲੇ ਉਹ ਦੋ ਸਿਖਰਲੇ ਖਿਡਾਰੀਆਂ ਸਾਨਵੀ ਸੋਮੂ ਤੇ ਅਨੁਰਾਧਾ ਚੌਧਰੀ ਤੋਂ ਪਿੱਛੇ ਹੈ। ਦੱਸਣਾ ਬਣਣਾ ਹੈ ਕਿ ਸਾਨਵੀ ਬੀਤੇ ਕੱਲ੍ਹ ਤਕ ਸਿਖਰ ’ਤੇ ਸੀ। ਵਾਣੀ ਨੇ ਇਸ ਤੋਂ ਬਾਅਦ 15ਵੇਂ ਹੋਲ ਵਿਚ ਬਰਡੀ ਕੀਤੀ ਜਦਕਿ ਇਸੀ ਹੋਲ ਵਿਚ ਅਨੁਰਾਧਾ ਨੇ ਬੋਗੀ ਕੀਤੀ ਸੀ। ਇਸ ਤੋਂ ਬਾਅਦ ਅਨੁਰਾਧਾ ਪਿੱਛੇ ਰਹਿ ਗਈ। ਸਾਨਵੀ ਨੇ ਵੀ 15ਵੇਂ, 17ਵੇਂ ਤੇ 18ਵੇਂ ਹੋਲ ਵਿਚ ਬੋਗੀ ਕੀਤੀ। ਅਨੁਰਾਧਾ ਨੇ ਦੋ ਓਵਰ ਦੇ ਕੁੱਲ ਸਕੋਰ ਨਾਲ ਦੂਜਾ ਸਥਾਨ ਹਾਸਲ ਕੀਤਾ ਜਦਕਿ ਸਾਨਵੀ ਤਿੰਨ ਓਵਰ ਦੇ ਸਕੋਰ ਨਾਲ ਸਾਂਝੇ ਤੀਜੇ ਸਥਾਨ ’ਤੇ ਰਹੀ। ਇਸ ਤੋਂ ਇਲਾਵਾ ਸਨੇਹਾ ਸਿੰਘ ਤੇ ਰਿਧਿਮਾ ਦਿਲਾਵਰੀ ਨੇ ਵੀ ਸਾਂਝਾ ਤੀਜਾ ਸਥਾਨ ਹਾਸਲ ਕੀਤਾ।