ਪੰਜਾਬ-ਯੂ.ਟੀ ਮੁਲਾਜ਼ਮ ਪੈਨਸ਼ਨਰਜ਼ ਸਾਂਝੇ ਫਰੰਟ ਵੱਲੋਂ ਜਲੰਧਰ ਜ਼ਿਮਨੀ ਚੋਣ ਵਿੱਚ ਸੰਘਰਸ਼ ਦਾ ਐਲਾਨ…
ਐਸ ਏ ਐਸ ਨਗਰ, 03 ਅਪ੍ਰੈਲ (amritpal Singh safari
… )ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਅਗਵਾਈ ਵਾਲੀ ਆਮ ਆਦਮੀ ਸਰਕਾਰ ਵੱਲੋਂ ਪੰਜਾਬ.ਯੂ.ਟੀ. ਮੁਲਾਜ਼ਮ ਤੇ ਪੈਨਸ਼ਨਰਜ਼ ਸਾਂਝੇ ਫਰੰਟ ਨਾਲ ਮੁਲਾਜ਼ਮ ਪੈਨਸ਼ਨਰਜ਼ ਮੰਗਾ ਤੇ ਦਿੱਤੀ ਮੀਟਿੰਗ ਤੇ ਹਰ ਵਾਰ ਦੀ ਤਰਾਂ ਇਸ ਵਾਰ ਫੇਰ ਮੁਨਕਰ ਹੋ ਗਈ ਹੈ।ਮੁੱਖ ਮੰਤਰੀ ਦੀ ਸਰਕਾਰੀ ਕੋਠੀ ਦੇ ਬਾਹਰ ਸਰਕਾਰ ਦੇ ਸੱਦੇ ਤੇ ਸਵੇਰੇ 10:00 ਵਜੇ ਇਕੱਠੇ ਹੋਏ ਮੁਲਾਜ਼ਮ ਪੈਨਸ਼ਨਰਜ਼ ਆਗੂਆਂ ਨੂੰ ਸਰਕਾਰ ਦੇ ਨੁਮਾਇੰਦਿਆਂ ਦਾ ਮੈਸੇਜ ਮਿਲਿਆ ਕੇ ਮੁੱਖ ਮੰਤਰੀ ਪੰਜਾਬ ਇੱਥੇ ਨਹੀਂ ਹਨ ਅਤੇ ਉਹ ਤਿੰਨ ਚਾਰ ਆਗੂ ਆ ਕੇ ਗੱਲ-ਬਾਤ ਕਰ ਲੈਣ ਅਤੇ ਅਗਲੀ ਮੀਟਿੰਗ ਦਾ ਸਮਾਂ ਲੈਣ ਲਈ ਮਿਲ ਲੈਣ।ਸਾਂਝੇ ਫਰੰਟ ਦੇ ਆਗੂ ਜੋ ਪੂਰੇ ਪੰਜਾਬ ਤੋ ਇੱਥੇ ਪਹੁੰਚੇ ਸਨ ਉਨ੍ਹਾਂ ਨੂੰ ਇਹ ਸੁਣ ਕੇ ਬਹੁਤ ਹੈਰਾਨੀ ਹੋਈ ਕਿ ਆਮ ਲੋਕਾਂ ਦੀ ਸਰਕਾਰ ਕਹਾਉਣ ਵਾਲੀ ਆਮ ਆਦਮੀ ਦੀ ਸਰਕਾਰ ਸਾਂਝੇ ਫਰੰਟ ਨੂੰ ਇਹ ਮੈਸੇਜ ਵੀ ਨਹੀਂ ਭੇਜ ਸਕੀ ਕੇ ਮੁੱਖ ਮੰਤਰੀ ਹੈ ਨਹੀਂ ਤੇ ਅਗਲੀ ਮੀਟਿੰਗ ਦੀ ਤਾਰੀਖ ਦੇ ਦਿੰਦੇ ,ਪੰਜਾਬ ਸਰਕਾਰ ਵਲੋ ਮੀਟਿੰਗ ਤੋ ਲਗਾਤਾਰ ਟਾਲ-ਮਟੋਲ ਕਰਨ ਕਰਕੇ ਸਾਂਝੇ ਫਰੰਟ ਦੇ ਆਗੂ ਵੱਲੋਂ ਸੂਬਾ ਕਨਵੀਨਰ ਐਨ.ਕੇ .ਕਲਸੀ ਦੀ ਪ੍ਰਧਾਨਗੀ ਵਿੱਚ ਸੂਬਾ ਕਨਵੀਨਰ ਠਾਕੁਰ ਸਿੰਘ,ਸਤੀਸ਼ ਰਾਣਾ,ਸਵਿੰਦਰ ਸਿੰਘ ਮਲੋਵਾਲੀ ,ਬਾਜ਼ ਸਿੰਘ ਖਹਿਰਾ, ਜਰਮਨਜੀਤ ਸਿੰਘ,ਕਰਮ ਸਿੰਘ ਧਨੋਆ ,ਗਗਨਦੀਪ ਸਿੰਘ ਭੁੱਲਰ ,ਸੁਖਦੇਵ ਸੈਣੀ, ਰਣਜੀਤ ਸਿੰਘ ਰਾਣਵਾਂ ,ਪ੍ਰੇਮ ਸਾਗਰ ਸ਼ਰਮਾਂ ,ਹਰਭਜਨ ਸਿੰਘ ਪਿਲਖਣੀ ,ਬਲਦੇਵ ਸਿੰਘ ਮੰਡਾਲੀ ਵਲੋ ਉਥੇ ਹੀ ਮੀਟਿੰਗ ਕਰਕੇ ਪੰਜਾਬ ਸਰਕਾਰ ਦੇ ਖ਼ਿਲਾਫ਼ ਨਾਅਰੇਬਾਜੀ ਕੀਤੀ ਗਈ ਤੇ ਸਾਂਝੇ ਫਰੰਟ ਵਲੋ ਸਰਕਾਰ ਦੇ ਖ਼ਿਲਾਫ਼ ਨਿੰਦਾ ਪ੍ਰਸਤਾਵ ਪਾਸ ਕੀਤਾ ਗਿਆ।ਮੁੱਖ ਮੰਤਰੀ ਵਲੋ ਲਗਾਤਾਰ ਸਮਾਂ ਦੇ ਕੇ ਮੀਟਿੰਗ ਰੱਦ ਕਰਨ ਦਾ ਸਾਂਝੇ ਫਰੰਟ ਗੰਭੀਰ ਨੋਟਿਸ ਲਿਆ ਗਿਆ ਤੇ ਸਰਵ ਸੰਮਤੀ ਨਾਲ ਪਾਸ ਕੀਤਾ ਗਿਆ ਕਿ ਜੇਕਰ ਮੁੱਖ ਮੰਤਰੀ ਕੋਲ ਮੁਲਾਜ਼ਮ /ਪੈਨਸਨਰਜ਼ ਮੰਗਾ ਤੇ ਸਮਾਂ ਦੇ ਕੇ ਵੀ ਸਮਾਂ ਨਹੀ ਹੈ ਤਾਂ ਇਸ ਮੰਗ ਪੱਤਰ ਨੂੰ ਜਲੰਧਰ ਜ਼ਿਮਨੀ ਚੋਣਾਂ ਵਿੱਚ ਲੋਕਾਂ ਦੀ ਕਚਹਿਰੀ ਵਿਚ ਲੈ ਕੇ ਜਾਇਆ ਜਾਏਗਾ।ਜਿਸ ਤਹਿਤ 23 ਅਪ੍ਰੈਲ ਨੂੰ ਆਦਮਪੁਰ ਹਲਕੇ ਵਿਚ,30 ਅਪਰੈਲ ਨੂੰ ਨਕੋਦਰ ਹਲਕੇ ਵਿੱਚ ਅਤੇ 07 ਮਈ ਜਲੰਧਰ ਹਲਕੇ ਵਿੱਚ ਝੰਡਾ ਮਾਰਚ ਕਰਕੇ ਮੁਲਾਜ਼ਮ ਮੰਗਾ ਨੂੰ ਜਲੰਧਰ ਹਲਕੇ ਵਿੱਚ ਲੋਕਾਂ ਦੇ ਸਨਮੁਖ ਰੱਖਿਆ ਜਾਵੇਗਾ।ਪੰਜਾਬ ਸਰਕਾਰ ਮਾਣ-ਭੱਤਾ ਵਰਕਰਾਂ ਉੱਤੇ ਘੱਟੋ-ਘੱਟ ਉਜਰਤਾਂ ਕਾਨੂੰਨ ਲਾਗੂ ਕਰਨ, ਕੱਚੇ ਮੁਲਾਜ਼ਮਾਂ ਨੂੰ ਪੱਕੇ ਕਰਨ, ਛੇਵੇਂ ਤਨਖਾਹ ਕਮਿਸ਼ਨ ਤਹਿਤ ਪੈਨਸ਼ਨਰਾਂ ਉੱਤੇ 2.59 ਦਾ ਗੁਣਾਂਕ ਨਾਲ ਲਾਗੂ ਕਰਨ, ਪੁਰਾਣੀ ਪੈਨਸ਼ਨ ਸਕੀਮ ਬਹਾਲ ਕਰਨ, ਪਰਖ ਕਾਲ ਸੰਬੰਧੀ 15-01-2015 ਦਾ ਨੋਟੀਫਿਕੇਸ਼ਨ ਰੱਦ ਕਰਨ, 17 ਜੁਲਾਈ 2020 ਤੋਂ ਬਾਅਦ ਭਰਤੀ ਮੁਲਾਜ਼ਮਾਂ ‘ਤੇ ਪੰਜਾਬ ਦੇ ਸਕੇਲ ਲਾਗੂ ਕਰਨ, ਬੰਦ ਕੀਤੇ ਗਏ ਪੇਂਡੂ ਤੇ ਬਾਰਡਰ ਏਰੀਆ ਸਮੇਤ ਸਮੁੱਚੇ 37 ਕਿਸਮ ਦੇ ਭੱਤੇ ‘ਤੇ ਏ.ਸੀ.ਪੀ. ਆਦਿ ਬਹਾਲ ਕਰਨ ਅਤੇ ਰੋਕੇ ਗਏ ਮਹਿੰਗਾਈ ਭੱਤੇ ਦੀ ਕਿਸ਼ਤ ਜਾਰੀ ਕਰਨ ਸੰਬੰਧੀ ਲਗਾਤਾਰ ਟਾਲ-ਮਟੋਲ ਕਰ ਰਹੀ ਹੈ। ਆਗੂਆਂ ਨੇ ਆਖਿਆ ਕਿ ਪੰਜਾਬ ਸਰਕਾਰ ਜਦਕਿ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਆਮ ਆਦਮੀ ਪਾਰਟੀ ਵੱਲੋਂ ਇਹਨਾਂ ਸਾਰੀਆਂ ਮੰਗਾਂ ਨੂੰ ਪਹਿਲ ਦੇ ਆਧਾਰ ਤੇ ਹੱਲ ਕਰਨ ਦਾ ਭਰੋਸਾ ਦਿੱਤਾ ਗਿਆ ਸੀ।
ਇਸ ਮੌਕੇ ਕੁਲਵਰਨ ਸਿੰਘ,ਹਰਦੀਪ ਟੋਡਰਪੁਰ,ਸੁਖਵਿੰਦਰ ਚਾਹਲ , ਕੁਲਵਰਨ ਸਿੰਘ , ਮੱਖਣ ਸਿੰਘ ਵਾਹਿਦਪੁਰੀ ,ਰਾਧੇ ਸ਼ਿਆਮ, ਗੁਰਮੇਲ ਸਿੰਘ ਮੈਲਡੇ, ਅਵਿਨਾਸ਼ ਚੰਦਰ ਸ਼ਰਮਾਂ, ਐਨ.ਡੀ. ਤਿਵਾੜੀ, ਸੁੱਚਾ ਸਿੰਘ, ਗੁਰਜੰਟ ਸਿੰਘ ਵਾਲੀਆ, ਕਰਤਾਰਪਾਲ ਸਿੰਘ, ਕਰਮ ਚੰਦ ਭਾਰਦਵਾਜ, ਚਮਕੌਰ ਸਿੰਘ, ਜਗਦੀਸ਼ ਸਰਮਾਂ ਆਦਿ ਹਾਜ਼ਰ ਸਨ
*ਜਾਰੀ ਕਰਤਾ:*
ਐਨ ਡੀ ਤਿਵਾੜੀ
7973689591
