ਟੈਨਿਸ: ਕੋੋਕੋ ਗੌਫ ਡਬਲਿਊੁਟੀਏ ਦੇ ਸੈਮੀਫਾਈਨਲ ’ਚ

ਰਿਯਾਧ-ਅਮਰੀਕੀ ਟੈਨਿਸ ਖਿਡਾਰਨ ਕੋਕੋ ਗੌਫ ਨੇ ਸੈਸ਼ਨ ਦੇ ਆਖ਼ਰੀ ਟੂਰਨਾਮੈਂਟ ਡਬਲਿਉੂਟੀਏ ਫਾਈਨਲਜ਼ ਵਿੱਚ ਇਗਾ ਸਵਿਆਤੇਕ ’ਤੇ 6-3, 6-4 ਨਾਲ ਜਿੱਤ ਦਰਜ ਕਰਦਿਆਂ ਸੈਮੀਫਾਈਨਲ ’ਚ ਕਦਮ ਰੱਖ ਲਿਆ ਹੈ। ਇਸ ਨਤੀਜੇ ਦਾ ਮਤਲਬ ਹੈ ਕਿ ਪੰਜ ਵਾਰ ਦੀ ਗਰੈਂਡ ਸਲੈਮ ਚੈਂਪੀਅਨ ਸਵਿਆਤੇਕ ਇਸ ਹਫ਼ਤੇ ਰੈਂਕਿੰਗ ਵਿੱਚ ਦੂਜੇ ਸਥਾਨ ਤੋਂ ਉੱਪਰ ਨਹੀਂ ਜਾ ਸਕੇਗੀ ਅਤੇ ਆਰਯਨਾ ਸਬਾਲੇਂਕਾ ਪਹਿਲੀ ਵਾਰ ਸਾਲ ਦੀ ਸਮਾਪਤੀ ਸਿਖਰਲੇ ਸਥਾਨ ਨਾਲ ਕਰੇਗੀ। ਇਹ 2023 ਅਮਰੀਕੀ ਓਪਨ ਚੈਂਪੀਅਨ ਕੋਕੋ ਗਾਫ ਦੀ 2023 ਸਿਨਸਿਨਾਟੀ ਓਪਨ ਮਗਰੋਂ ਸਵਿਆਤੇਕ ’ਤੇ ਪਹਿਲੀ ਜਿੱਤ ਹੈ। ਦੋਵਾਂ ਦੇ ਕਰੀਅਰ ਦੌਰਾਨ ਹੋਏ 13 ਮੁਕਾਬਲਿਆਂ ’ਚੋਂ ਕੋਕੋ ਗੌਫ ਦੀ ਇਹ ਦੂਜੀ ਜਿੱਤ ਹੈ। ਵਿੰਬਲਡਨ ਚੈਂਪੀਅਨ ਬਾਰਬੋਰਾ ਕ੍ਰੈਜਸਿਕੋਵਾ ਨੇ ਜੈਸਿਕਾ ਪੇਗੁਲਾ ’ਤੇ 6-3, 6-3 ਦੀ ਜਿੱਤ ਨਾਲ ਆਪਣੇ ਅਗਲੇ ਗੇੜ ਵਿੱਚ ਪਹੁੰਚਣ ਦੀ ਉਮੀਦ ਕਾਇਮ ਰੱਖੀ ਹੈ। ਇਸ ਨਾਲ ਪੇਗੁਲਾ ਦਾ ਇਸ ਟੂਰਨਾਮੈਂਟ ਵਿੱਚ ਸਫ਼ਰ ਸਮਾਪਤ ਹੋ ਗਿਆ, ਜੋ ਪਹਿਲੇ ਮੈਚ ਵਿੱਚ ਕੋਕੋ ਗਾਫ ਤੋਂ ਸਿੱਧੇ ਸੈੱਟ ਵਿੱਚ ਹਾਰ ਗਈ ਸੀ।