ਇਸਲਾਮਾਬਾਦ –ਇੱਕ ਵਾਰ ਫਿਰ ਸਭ ਦੇ ਸਾਹਮਣੇ ਪਾਕਿਸਤਾਨ ਨੂੰ ਸ਼ਰਮਿੰਦਾ ਹੋਣਾ ਪਿਆ ਹੈ। ਇਸ ਵਾਰ Gwadar ਬੰਦਰਗਾਹ ਬਾਰੇ ਪਾਕਿਸਤਾਨ ਦੀ ਹਰਕਤ ਨੇ ਉਸ ਨੂੰ ਦੁਨੀਆ ਦੇ ਸਾਹਮਣੇ ਸ਼ਰਮਿੰਦਾ ਕਰ ਦਿੱਤਾ।
ਅੱਤਵਾਦ, ਗ਼ਰੀਬੀ, ਮਹਿੰਗਾਈ, ਧਾਂਦਲੀ ਵਾਲੀਆਂ ਚੋਣਾਂ, ਸਿਵਲ ਅਸ਼ਾਂਤੀ, ਸਿਆਸੀ ਅਸਥਿਰਤਾ ਅਤੇ ਆਰਥਿਕ ਸੰਕਟ ਨਾਲ ਘਿਰੇ ਇਸ ਦੇਸ਼ ਨੇ ਚੀਨ ‘ਤੇ ਕਾਰਵਾਈਆਂ ਦੀ ਕੋਸ਼ਿਸ਼ ਕੀਤੀ। ਜਿਵੇਂ ਕਿ ਕੋਈ ਵੀ ਅੰਦਾਜ਼ਾ ਲਗਾ ਸਕਦਾ ਹੈ – ਇਹ ਚੰਗਾ ਨਹੀਂ ਹੋਇਆ, ਇਸਲਾਮਾਬਾਦ ਨੇ ਇੱਕ ਵਾਰ ਫਿਰ ਮੂੰਹ ਦੀ ਖਾਧੀ ਹੈ।
ਇਕ ਰਿਪੋਰਟ ਮੁਤਾਬਕ ਹਾਲ ਹੀ ‘ਚ ਪਾਕਿਸਤਾਨ ਅਤੇ ਚੀਨ ਵਿਚਾਲੇ ਇਕ ਅਹਿਮ ਬੈਠਕ ਹੋਈ, ਜਿਸ ‘ਚ ਗਵਾਦਰ ਬੰਦਰਗਾਹ ਅਤੇ ‘ਚੀਨ-ਪਾਕਿਸਤਾਨ ਆਰਥਿਕ ਗਲਿਆਰੇ’ ਦੀ ਵਰਤੋਂ ‘ਤੇ ਚਰਚਾ ਕੀਤੀ ਗਈ। ਪਰ ਇਸ ਮੌਕੇ ਪਾਕਿਸਤਾਨ ਨੇ ਅਜਿਹੀ ਹਰਕਤ ਕੀਤੀ ਜਿਸ ਨਾਲ ਚੀਨ ਹੈਰਾਨ ਰਹਿ ਗਿਆ।
ਇਸਲਾਮਾਬਾਦ ਨੇ ਕਿਹਾ ਕਿ ਜੇਕਰ ਚੀਨ ਗਵਾਦਰ ‘ਚ ਫ਼ੌਜੀ ਅੱਡਾ ਬਣਾਉਣਾ ਚਾਹੁੰਦਾ ਹੈ ਤਾਂ ਉਸ ਨੂੰ ਪਾਕਿਸਤਾਨ ਨੂੰ ਦੂਜੀ ਵਾਰ ਪਰਮਾਣੂ ਸਮਰੱਥਾ ਦੇਣੀ ਹੋਵੇਗੀ ਤਾਂ ਜੋ ਅਜਿਹਾ ਕਰ ਕੇ ਉਹ ਭਾਰਤ ਨਾਲ ਬਰਾਬਰੀ ਦਾ ਸੁਪਨਾ ਲੈ ਸਕੇ। ਪਰ ਚੀਨ ਨੇ ਇਸ ਮੰਗ ਨੂੰ ਬੇਤੁਕਾ ਦੱਸਦਿਆਂ ਰੱਦ ਕਰ ਦਿੱਤਾ ਅਤੇ ਭਵਿੱਖੀ ਗੱਲਬਾਤ ਨੂੰ ਅਣਮਿੱਥੇ ਸਮੇਂ ਲਈ ਰੋਕ ਦਿੱਤਾ।
ਚੀਨ ਨਾਲ ਕੂਟਨੀਤਕ ਅਤੇ ਫ਼ੌਜੀ ਗੱਲਬਾਤ ਦਾ ਟੁੱਟਣਾ ਪਾਕਿਸਤਾਨ ਲਈ ਚੰਗਾ ਸੰਕੇਤ ਨਹੀਂ ਹੈ ਕਿਉਂਕਿ ਨਕਦੀ ਦੀ ਤੰਗੀ ਵਾਲਾ ਇਸਲਾਮਾਬਾਦ ਬੀਜਿੰਗ ਤੋਂ ਆਰਥਿਕ ਸਹਾਇਤਾ ਪੈਕੇਜਾਂ ‘ਤੇ ਬਹੁਤ ਜ਼ਿਆਦਾ ਨਿਰਭਰ ਹੈ।
ਚੀਨ ਲੰਬੇ ਸਮੇਂ ਤੋਂ ਪਾਕਿਸਤਾਨ ਦੀ ਫ਼ੌਜ ਦਾ ਰਖਵਾਲਾ ਰਿਹਾ ਹੈ, ਉਸ ਨੂੰ ਆਪਣੇ ਜ਼ਿਆਦਾਤਰ ਹਥਿਆਰ ਅਤੇ ਗੋਲਾ ਬਾਰੂਦ ਦੀ ਸਪਲਾਈ ਕਰਦਾ ਹੈ। ਗੋਲ਼ੀਆਂ ਤੋਂ ਲੈ ਕੇ ਲੜਾਕੂ ਜਹਾਜ਼ਾਂ ਤੱਕ ਸਭ ਕੁਝ ਉਪਲਬਧ ਕਰਾਇਆ ਜਾਂਦਾ ਹੈ।
ਪਾਕਿਸਤਾਨੀ ਫ਼ੌਜ ਦਾ ਸਰਕਾਰ ਦੁਆਰਾ ਲਏ ਗਏ ਫੈਸਲਿਆਂ ਵਿੱਚ ਦਖਲ-ਅੰਦਾਜ਼ੀ ਦਾ ਇਤਿਹਾਸ ਹੈ, ਮੌਜੂਦਾ ਸਮੇਂ ਵਿੱਚ ਚੋਣ ਧਾਂਦਲੀ ਅਤੇ ਸਾਬਕਾ ਪ੍ਰਧਾਨ ਮੰਤਰੀ ਇਮਰਾਨ ਖ਼ਾਨ ਨੂੰ ਲੈ ਕੇ ਦੇਸ਼ ਭਰ ਵਿੱਚ ਵਿਆਪਕ ਗੁੱਸੇ ਅਤੇ ਵਿਰੋਧ ਪ੍ਰਦਰਸ਼ਨਾਂ ਨਾਲ ਸੰਕਟ ਦਾ ਸਾਹਮਣਾ ਕਰ ਰਹੀ ਹੈ ।
ਡ੍ਰੌਪ ਸਾਈਟ ਨਿਊਜ਼ ਦੀ ਰਿਪੋਰਟ ਮੁਤਾਬਕ ਸੁਰੱਖਿਆ ਚਿੰਤਾਵਾਂ ਦੇ ਨਾਲ-ਨਾਲ ਚੀਨ ਵੱਲੋਂ ਪਾਕਿਸਤਾਨ ਦੇ ਅੰਦਰ ਫ਼ੌਜੀ ਅੱਡਾ ਬਣਾਉਣ ਦੀ ਮੰਗ ਨੂੰ ਲੈ ਕੇ ਜਨਤਕ ਅਤੇ ਨਿੱਜੀ ਵਿਵਾਦਾਂ ਕਾਰਨ ਪਾਕਿਸਤਾਨ-ਚੀਨ ਸਬੰਧ ਵਿਗੜ ਰਹੇ ਹਨ।
ਇਸ ਸਾਲ ਦੀ ਸ਼ੁਰੂਆਤ ‘ਚ ਨਿਊਜ਼ ਵੈੱਬਸਾਈਟ ਨੇ ਗਵਾਦਰ ‘ਚ ਚੀਨੀ ਫ਼ੌਜੀ ਅੱਡਾ ਬਣਾਉਣ ਲਈ ਗੱਲਬਾਤ ਦੀ ਖ਼ਬਰ ਦਿੱਤੀ ਸੀ।
ਨਿਊਜ਼ ਵੈੱਬਸਾਈਟ ਦੁਆਰਾ ਦੇਖੇ ਗਏ ਕਲਾਸੀਫਾਈਡ ਪਾਕਿਸਤਾਨੀ ਫ਼ੌਜੀ ਦਸਤਾਵੇਜ਼ਾਂ ਦੇ ਅਨੁਸਾਰ, ਇਸਲਾਮਾਬਾਦ ਨੇ ਬੀਜਿੰਗ ਨੂੰ ਭਰੋਸਾ ਦਿੱਤਾ ਸੀ ਕਿ ਉਸਨੂੰ ਗਵਾਦਰ ਨੂੰ ਚੀਨੀ ਫ਼ੌਜ ਲਈ ਸਥਾਈ ਅੱਡੇ ਵਿੱਚ ਬਦਲਣ ਦੀ ਇਜਾਜ਼ਤ ਦਿੱਤੀ ਜਾਵੇਗੀ।
